Croeso i Sŵn Connect 2025, cynhadledd i’r diwydiant cerddoriaeth sy’n digwydd ochr yn ochr â Gŵyl Sŵn ac sy’n anelu i ddarparu cymorth ac arweiniad i artistiaid ac ymarferwyr yn y diwydiant sy’n awyddus i gymryd y cam nesaf yn eu gyrfa. Byddwn yn cynnal trafodaethau, cyflwyniadau a sgyrsiau, yn ogystal â sesiynau grŵp a gweithdai gyda phartneriaid swyddogol yn y diwydiant. Bydd rhaglen Mentoriaid Sŵn yn dychwelyd, sef cyfle i fynychwyr a chynadleddwyr drafod y materion a’r heriau sy’n eu hwynebu nhw, gyda gwahoddedigion proffesiynol o’r diwydiant. Ar ddiwedd pob un o ddiwrnodau’r gynhadledd, a chyn cychwyn ar y busnes pwysig o ruthro o leoliad i leoliad er mwyn gweld eich hoff fand newydd, bydd cyfle i bawb ddod at ei gilydd yn ein derbyniadau dyddiol. Eleni bydd y derbyniadau hefyd yn cynnwys cyfres Sŵn Sydyn, sef arddangosfa ar gyfer artistiaid newydd o Gymru rydyn ni’n credu fydd yn gwneud argraff dros y 12 mis nesaf.