Croeso i Sŵn Connect 2026, cynhadledd ar gyfer y diwydiant cerddoriaeth i gyd-fynd â Gŵyl Sŵn, gyda’r nod o ddarparu cymorth ac arweiniad i artistiaid a gweithwyr yn y diwydiant sy’n awyddus i gymryd y cam nesaf yn eu gyrfaoedd.
Cynhelir Sŵn Connect ar yr 16eg o Hydref yn Cornerstone.
Bydd rhaglen fentora Sŵn yn dychwelyd hefyd, gan roi cyfle i gynrychiolwyr a mynychwyr y gynhadledd drafod y materion a’r heriau sy’n eu hwynebu gyda nifer o weithwyr proffesiynol y diwydiant. Byddwn hefyd yn cynnal trafodaethau panel a dosbarthiadau meistr gyda phartneriaid swyddogol o’r diwydiant cerddoriaeth drwy gydol y dydd.
Ar ddiwedd y gynhadledd, a chyn i’r gwaith hynod ddifrifol o faglu o gigfan i gigfan i ddal eich hoff fand newydd ddechrau, bydd cyfle i bawb gasglu ynghyd a chymdeithasu yn ein sesiynau cymysgu dyddiol, gyda detholiad o luniaeth a byrbrydau ysgafn ar gael!