Gwirfoddolwyr

Mae ceisiadau ar gyfer Gwirfoddolwyr Sŵn 2024 nawr ar agor! Mae Gwirfoddolwyr Sŵn yn cyflawni ystod fawr o dasgau a dyletswyddau ar draws yr ŵyl. Bydd y rolau yma’n gweithio gyda chwsmeriaid ac artistiaid, ac felly rydyn ni’n chwilio am bobl hyderus, weithgar a chyfeillgar i ymuno â thîm Gŵyl Sŵn. Edrychwch ar y rolau isod i ddysgu mwy.

Cynorthwy-ydd Cyswllt Artist
Rydym yn chwilio am unigolyn sy’n weithgar a fyddai’n mwynhau bod yn rhan o’n tîm Cyswllt Artist er mwyn cynorthwyo gydag agweddau allweddol o weithio mewn gŵyl ganol dinas.

Bydd y rôl yn cynnwys:

Cynorthwyo’r Rheolwr Cyswllt Artist gyda’r holl gyfrifoldebau yn eich lleoliad penodedig, a fydd yn cynnwys:

Cyfarch yr artist pan fyddw’n nhw’n cyrraedd a’i dangos o amgylch y lleoliad ac i’r ystafell werdd

Sicrhau fod yr artistiaid yn gyfforddus a bod ganddynt bopeth sydd ei angen arnynt trwy gydol eu hamser yn eich lleoliad

Cadw trefn ar yr ystafell werdd ac ail-stocio unrhyw ddiodydd neu fwyd cyn i artist gyrraedd

Bod wrth law i helpu gydag unrhyw dasgiau pellach sydd eu hangen ar y Rheolwr Cyswllt Artist

Dymunol:

Unigolyn trefnus a gweithgar sy’n gallu delio â thasgau a rhwystrau munud olaf

Diddordeb yn y diwydiant cerddoriaeth ac yn yr artistiaid sy’n chwarae
Cynorthwy-ydd Cynhadledd Sŵn
Rydyn ni’n chwilio am unigolyn gweithgar, cydwybodol a threfnus i ymuno â’r tîm gwirfoddoli yng Nghynhadledd Sŵn yn Cornerstone eleni.

Bydd y rôl yn cynnwys:

Gwirio tocynnau cwsmeriaid wrth y drws

Cynorthwyo cwsmeriaid gydag unrhyw ymholiadau am Gynhadledd Sŵn neu ymholiadau am yr ŵyl

Cynorthwyo Rheolwr Cynhadledd Sŵn i ofalu am y panelwyr

Cynorthwyo Rheolwr Cynhadledd Sŵn gydag unrhyw dasgau eraill

Dymunol:

Unigolyn trefnus, cyfeillgar a dymunol

Diddordeb yn y diwydiant cerddoriaeth a’r sesiynau ar y dydd
Cynorthwy-ydd Marchnata
Rydyn ni’n chwilio am unigolyn creadigol sydd â diddordeb mewn cerddoriaeth fyw ac yn y diwydiant cerddoriaeth i gynorthwyo â gwaith y tîm marchnata drwy gydol penwythnos Gŵyl Sŵn.

Bydd y rôl yn cynnwys:

Cynorthwyo adran farchnata Sŵn gyda’r holl dasgau yn Swyddfa’r Wasg

Cynorthwyo ALAW (Cydlynwyr y Wasg Sŵn) gyda thasgau fel paratoi cyfweliadau, gan gydweithio gydag artistiaid / rheolwyr drwy gydol y penwythnos, a sicrhau eu bod yn gyfforddus cyn, yn ystod ac ar ôl cyfweliadau

Rhedeg ar gyfer unrhyw beth sydd ei angen ar dîm marchnata Sŵn ac ALAW

Dymunol:

Rhywun sy’n mwynhau mynd i ddigwyddiadau cerddoriaeth fyw ac sydd â diddordeb brwd yn y diwydiant cerddoriaeth

Rhywun sy’n rhoi sylw craff i fanylion

Rhywun sydd â sgiliau pobl da

Dwyieithog yn Gymraeg a Saesneg
Cynorthwy-ydd Ffotograffiaeth
Rydyn ni’n chwilio am unigolyn creadigol sydd â diddordeb mewn cerddoriaeth fyw ac yn y diwydiant cerddoriaeth i gynorthwyo gyda gwaith ffotograffiaeth y tîm marchnata drwy gydol penwythnos Gŵyl Sŵn.

Bydd y rôl yn cynnwys:

Cynorthwyo tîm marchnata Sŵn gyda’r holl dasgau sy’n rhan o’r gwaith o dynnu lluniau o’r ŵyl

Cydweithio gyda ffotograffwyr swyddogol Gŵyl Sŵn i gipio cynnwys

Cipio cynnwys o setiau gwahanol artistiaid a chyfleu naws yr ŵyl drwy’r penwythnos

Dymunol:

Rhywun sy’n mwynhau mynd i ddigwyddiadau cerddoriaeth fyw ac sydd â diddordeb brwd yn y diwydiant cerddoriaeth

Rhywun sydd â phrofiad ym maes ffotograffiaeth digwyddiadau neu gerddoriaeth fyw neu arddull ddogfennol

Rhywun sydd â phrofiad o olygu ffotograffau a / neu fideo

Dwyieithog yn Gymraeg a Saesneg

Dylech nodi y bydd angen eich offer camera eich hunan neu ffôn symudol â chamera da ar gyfer y rôl yma. Dydyn ni ddim yn disgwyl offer ar lefel broffesiynol. Os oes gennych unrhyw gwestiynau neu bryderon, cysylltwch â ni drwy swnfest@clwb.net.
Cynorthwy-ydd Swyddfa Docynnau
Rydym yn chwilio am unigolyn cyfeillgar i ymuno â’n tîm Swyddfa Docynnau ar gyfer penwythnos Gŵyl Sŵn!

Bydd y rôl yn cynnwys:

Sganio tocynnau a’i cyfnewid am fand garddwn

Helpu cwsmeriaid i ddod o hyd i wahanol leoliadau os oes angen

Bod yn barod i ateb cwestiynau’r cwsmeriaid

Cynorthwyo’r Rheolwr Swyddfa Docynnau gydag unrhyw dasgiau ychwanegol

Dymunol:

Rhywun trefnus, cyfeillgar a dymunol

Diddordeb yn y diwydiant cerddoriaeth ac yn yr artistiaid sy’n chwarae

CEISWCH YMA

Pethau Cyffredinol i’w Nodi:

Bydd gofyn i bob gwirfoddolwr weithio o leiaf dwy sifft chwech awr dros y penwythnos
Byddwch yn cael band arddwrn am ddim i’r ŵyl am eich gwaith, ac un tocyn bwyd am bob sifft chwech awr
Pan na fyddwch chi ar eich sifft, rydyn ni’n eich annog i ddefnyddio’r band arddwrn i fwynhau’r bandiau a’r artistiaid anhygoel sy’n perfformio dros y penwythnos
Rydyn ni’n edrych ymlaen i weithio gyda chi, ac rydyn ni’n ddiolchgar iawn am eich amser dros benwythnos Sŵn