cymerwch ran
SŴN CYSYLLTU: Rhaglen Mentora
Fel rhan o’n cynhadledd, rydyn ni’n gwahodd artistiaid a’r diwydiant ifanc yng Nghymru i wneud cais i gymryd rhan yn ein Rhaglen Mentora sy’n cysylltu artistiaid a diwydiant Cymru ag arbenigwyr diwydiant cerddoriaeth ledled gwledydd Prydain fel asiantau, rheolwyr, cyhoeddwyr, hyrwyddwyr, gwyliau, cyfreithwyr a chynhyrchwyr.
Cynhelir y Rhaglen Mentora mewn amrywiol leoliadau yng nghanol Dinas Caerdydd o 16 – 18 Hydref gyda’r prif weithgaredd wyneb yn wyneb yn digwydd ddydd Iau 16 a dydd Gwener 17 Hydref.
Rydyn ni’n sicrhau mynediad i’r ymgeiswyr llwyddiannus at:
- Raglen lawn cynhadledd Sŵn Cysylltu
- Cyfarfod wyneb yn wyneb gyda mentoriaid o’r diwydiant
- Cymysgwyr Sŵn Cysylltu (gan gynnwys Perfformiadau Sŵn Spotlight)
- Darperir lluniaeth a byrbrydau ysgafn ym mhob gweithgaredd cynhadledd
Mae hwn yn gyfle unigryw i ymgysylltu â’r diwydiant cerddoriaeth ehangach a hynny wyneb yn wyneb dros 3 diwrnod.
Y dyddiad cau ar gyfer ceisiadau yw 15 Medi 2025 a chewch wybod os ydych chi wedi bod yn llwyddiannus erbyn 1 Hydref 2025.
CYMWYS I WNEUD CAIS?
- Rhaid i un aelod o’ch act fod wedi’i eni yng Nghymru neu’n byw yng Nghymru
- 18 oed ar neu cyn 16 Hydref 2025
- Bydd angen i chi fod ar gael ar 16, 17 ac 18 Hydref
Gwneud Cais i Wirfoddoli
Mae Cynllun Gwirfoddoli Sŵn ar agor nawr!
Diolch am ddangos diddordeb mewn gwneud cais i fod yn Wirfoddolwr yng Ngŵyl Sŵn 2025! Mae Gwirfoddolwyr Sŵn yn cyflawni ystod fawr o dasgau a dyletswyddau ar draws yr ŵyl. Bydd y rolau yma’n gweithio gyda chwsmeriaid ac artistiaid, felly rydyn ni’n chwilio am bobl hyderus, weithgar a chyfeillgar i ymuno â thîm Gŵyl Sŵn.
Gwnewch yn siŵr eich bod yn darllen am y rolau gwirfoddol ar ein gwefan cyn gwneud cais.
Oherwydd y nifer fawr o geisiadau rydyn ni’n eu cael ar gyfer Gwirfoddolwyr Gŵyl Sŵn, byddwn yn gofyn i chi ddewis tair rôl wirfoddol a’u gosod mewn trefn. Byddwn yn ceisio eich gosod yn eich dewis cyntaf o rôl os byddwch yn llwyddiannus yn eich cais, ond efallai na fydd hyn yn bosib.
GOFYNION HANFODOL
- Bydd angen i chi fod yn 18 oed ar 16 Hydref 2025 neu cyn hynny i wneud cais. Byddwn yn gofyn am dystiolaeth adnabod gyda llun yn y ffurflen yma ac ar benwythnos
yr ŵyl fel prawf o’ch oedran. - Bydd angen i chi fod ar gael ar o leiaf 2 o ddyddiadau’r ŵyl i fod yn gymwys i wirfoddoli.
GOFYNION DYMUNOL
- Bydd sesiwn friffio i wirfoddolwyr yng Nghlwb Ifor Bach cyn yr ŵyl. Os byddwch yn llwyddiannus yn eich cais, byddwn yn anfon e-bost atoch chi gyda’r manylion.
- Byddai’n ddymunol pe baech chi’n gallu siarad Cymraeg a Saesneg ond nid yw hyn yn angenrheidiol i wneud cais i fod yn Wirfoddolwr Sŵn.
Gallwch wneud cais i fod yn Wirfoddolwr Sŵn drwy gwasgu’r botwm isod.
Os oes gennych unrhyw gwestiynau am y ffurflen neu am fod yn Wirfoddolwr Sŵn yn gyffredinol, anfonwch e-bost i swnfest@clwb.net
Ceisiadau’r Wasg
Llenwch y ffurflen isod i ymgeisio am bàs y wasg ar gyfer Gŵyl Sŵn 2025. Byddwn yn anelu i gysylltu â’r holl ymgeiswyr llwyddiannus cyn y 1af o Hydref 2025.